طليقة أحمد الفيشاوي تخرج من صمتها « أنا ست مشيت بـأدبي و…»
قالت في تدوينة لها عبر حسابها الرسمي بموقع «إنستجرام» :«خلاص بقى، وعيب كده، دي دلوقت منطقة أعراض، والليلة دي خلصت وراحت، وأنا ست مشيت بـ أدبي واحترامي، مش كل شوية حد هيضايقني بـ حاجة زي دي».
و تابعت كلامها : «أنا بتضايق وبحس كأني مخدتش قرار إن الناس تنساني، وكأني معملتش حاجة ولا حاولت جاهدة إني أمشي واختار الراحة، ولو مش هاممكوا أنا الرجاء المحافظة على اللي حواليا وأن فيه شخص أو ناس لما بتشوف الكلام ده بيزعلوا لأنه فات وأنا قفلت عليه وبدأت حياة وصفحة جديدة وحب وراحة كنت بتمناها».
ثم أضافت: «الرجاء الحفاظ على اختياري وتبعاته، ومرة تانية حياتي فيها إنسان ميحبش كده أبدا وأنا ممنونة له أنه تخطى الحاجز ده، بلاش خوض في اللي عدى وكان بإرادتي إني أعديه، ودي مش أول مره أشوف حاجة زي دي، وبعدي كتير بس كان لازم وقفة شوية، أنا مبقتش مادة إعلامية ولا بحاول أكون».
أثارت ندى الكامل ، طليقة الممثل أحمد الفيشاوي ، جدلًا واسعًا على مواقع التواصل الاجتماعي بعد إعلان طلاقها رسميًا من زوجها الممثل أحمد الفيشاوي ، بعد زواج دام ل4 سنوات.
حذفت ندى الكامل الصورة التي أعلنت فيها خبر الطلاق بينها و بين الممثل أحمد الفيشاوي ، وكذلك قامت بحذف جميع الصور التي جمعتهما معا، من حسابها الرسمي على إنستجرام ، كما ألغت المتابعة على حسابه الرسمي في إنستجرام. .
